尋找八味以外 元朗第九味

常言道嘅八味指：酸、甜、苦、辣、鹹、澀、腥、沖，人生歷盡食物味道嘅層次，今日就嚟到元朗嘅第九味，尋找八味以外嘅「鮮」味。第九味係一間日式餐廳，以新鮮嘅食材，將食物最原始嘅味道，開放你嘅第九味蕾。

北海道帶子雜菜沙律

沙律絕對係鮮味嘅代表！新鮮嘅雜菜配搭北海道帶子，而滿滿嘅蟹籽同蔬菜非常爽脆，加上味道鮮甜而口感柔軟嘅北海道帶子，令鮮味更上一層樓。

鹽燒深海池王魚頭連鮫配鮟鱇魚肝

燒過嘅池魚皮脆肉嫩，而臉頰部分肉質鮮甜，加上醬油令味道層次大大提升；而被稱為海上鵝肝嘅鮟鱇魚魚肝嘅口感就截然不同，軟腍之餘仲帶有少少海水味，非常清新。