九龍城係香港小泰國，由街頭行到街尾都有一股泰國風。主打泰國菜嘅選擇多，唔少更加係由泰國人主理，味道相當正宗，但點樣揀先夠精明？推介口碑相當高嘅金泰皇泰國菜館，出品好味又抵食，性價比相當高，真係要同好味講聲沙話Dee卡！
冬蔭功湯
金泰皇泰國菜館嘅冬蔭功偏甜而微辣，啱晒香港人口味，越食越醒胃。湯內嘅大蝦大大隻，口感結實。
青檸燒牛肉
金泰皇泰國菜館嘅青檸燒牛肉份量十足，牛肉嘅肉味香濃又嫩滑，除咗焦香嘅味道，仲有蒜香同青檸汁，令青檸燒牛肉更加具層次。
青檸蒸盲鰽
去泰國餐廳食魚，通常都係烏頭，但今次泰國店員就推介盲鰽。盲鰽雖然比烏頭多骨，但魚肉味道更鮮甜，加上青檸汁嘅酸味，除咗覆蓋魚腥味，仲帶嚟清新嘅感覺。
馬拉盞炒通菜
通菜口感爽脆多汁，撈埋充滿鹹香嘅馬拉盞，惹味嘅感覺就好似去左曼谷街頭一樣。
