鄭中基與經紀人何慶湘合作十多年，即使要炒魷，大可好來好去低調處理，所以到底女方道德操守問題又嚴重到什麼程度，令公司不得不即時出聲明與她中止合作呢？實在令人好奇。陳志雲就爆料兩人關係令老婆不高興，仲質疑聲明有人代筆。
鄭中基坦白真誠地道出抑鬱症之苦，試著減少公眾臆測，但有些謎團始終未有解答。由於日前鄭中基的兩個貼文中，一是承認健康與情緒出問題，稍後將停工休息；二是宣布與機動娛樂中止合作，斥「發現何慶湘工作及道德操守有問題，本人與機動娛樂立即終止合作。」這對他一手創立的公司機動娛樂絕對是大地震，而「道德操守有問題」也是極其嚴重的指控，足以令何慶湘不能再在這行立足。不過今次聲明主力剖白自己情緒困擾、感謝太太和家人等等，卻對何慶湘到底做了什麼隻字不提，難免未能釋除網民疑慮。
陳志雲與李婉華分析
陳志雲與李婉華在網台開直播時都有評論事件，李婉華提出一個疑問：「我覺得唔關錢事，鄭中基話要離開呢個公司，咁間公司佢有份定冇份？佢冇份就話離開，咁如果佢有份就唔係離開啦？」陳志雲就大爆有與鄭中基關係密切的人透露：「話今次佢只係寫嘅時候文字表達唔準確，唔係終止同機動電視嘅合作，係終止同何慶湘合作，間公司仍然都係佢嘅。鄭中基本身好多錢，都唔憂，佢唔係再科錢落去，呢個機動電視仍然會繼續，只係佢唔同何慶湘合作，佢冇理由終止同自己公司嘅合作。」
李婉華以女性角度評論事件，指留意到余思敏去年已曾引用語錄放負，而在今次鄭中基出Post前，余思敏似乎已率先預告，她在Story表示：「Good morning HK. Something big are coming…want to see？（早晨香港，即將有大件事要發生了，想睇？）」並標註了鄭中基、何慶湘及機動電視台等，指她往常較少干涉老公的工作，但今次以高姿態出Story惹人遐想。李婉華又覺得何慶湘明明是經理人，卻努力參與幕前工作、自己捧自己，似乎已超越經理人界線，予人跟鄭中基非常親密的感覺。
陳志雲就說，自己不是說何慶湘，但員工或助手仰慕老闆、多了情感投射都是十分常見。他以食花生語氣表示，鄭中基後來再出Post稱有情緒困擾，說不定就是因為夾在兩個女人中間，「一個係工作關係，一個係自己另一半，唔困擾都好難，哈哈！」
李婉華直言是鄭中基Fans，知道他過往有不少花邊新聞，但覺得娛樂圈男士能否輕易浪子回頭也存疑，何況人非草木，又說：「佢（何慶湘）一日對鄭中基唔止八個鐘，佢用個Channel自己捧自己，一個素人，唔係Artist，但係永遠可以喺側邊有演出機會。」又認為很多人會得一想二，大膽假設若何慶湘為人有機心，可能想用圈套套著老闆，並指：「佢郁都郁唔到，要出動到正印大婆要出聲、做嘢，講到道德操守，作為一個咁腍善、冇所謂、咁錫人嘅鄭先生，又點會咁樣寫呢個何小姐，話你有操守問題？佢唔會寫得出，在公在私都有感情。」
陳志雲又表示：「鄭中基最後出呢個Post，話要中止工作關係，覺得佢做嘢有問題，有熟鄭中基嘅朋友就話唔係好似佢，佢唔會寫到咁撇脫，咁絕，咁勁，話人哋幫佢代筆都唔定。呢個真係唔知，但係有啲暗湧喺入面，而家應該係佢太太掌管返個營運。」
網民分析:
「穿櫃桶底一早報警，邊會發聲明叫何慶湘離職，一定係何慶湘做第三者」
「佢拉埋阿Sa落水想講佢重蹈覆轍，一路都畀酒精影響，暗示自己又出軌畀老婆捉到 (阿Sa之前就係捉到正先離婚)」
「用道德問題就一定係牽涉人性、論理關係，工作有問題會用」職業操守」，所以應該係何慶湘同鄭中基有路」
「一個公司炒經理人嘅聲明係咁提自己老婆，都好明顯下」
「有家室仲偷食，畀人發現咗就推晒責任落女方度，話人道德有問題，想將對方喺呢行趕盡殺絕，真係好賤」
