自從隱適美喺數年前登陸香港後，終於唔洗下下要俾人笑幾年鋼牙妹，箍牙都可以露齒笑！呢種透明嘅牙套令大家對矯齒多咗個選擇，不過部分傳統大牌收費相當昂貴，一般小資女真係唔容易負擔。
但小編近期發現唔少新式隱形牙箍品牌登陸香港，收費又平傳統隱形牙箍品牌平一半有多，啱晒想要一排靚牙又預算有限嘅小資一族呀！
Zenyum
來自新加坡嘅牙箍品牌，近期人氣爆登呀！整個療程大概3－9個月時間。
賣點係有香港牙醫嘅跟進！
ZENYUM嘅用家先喺網上進行免費評估後，再由香港註冊牙醫進行3D掃描同埋進行詳細諮詢，喺療程開始後，仲會去至少3次本地嘅註冊牙醫診所做免費覆診，CHECK住牙齒、口腔同埋牙骨嘅狀況，箍牙嘅時候都夠晒放心。
最特別嘅係Zenyum竟然有推出自家APP！俾用家隨時暸解療程進度，而且有任何問題都可以得到解答，唔洗下下都要等成個月到覆診時先問得，啱晒筆者呢種極度心急又問題多多嘅人！（緊係啦，關乎自己啲牙齒啵！）
＄13,800（可免息分期）
相關網址：zenyum 官網
zenyum hk facebook
SmileDirectClub
美國嘅牙箍品牌，有專屬的SmileShop店面。平均療程大概係六個月左右，算是相當快！
SmileDirectClub嘅用家可以親臨 SmileShop免費3D掃描牙齒或自己使用遠程牙齒壓模，其後再由加拿大持牌牙醫或牙齒矯正科專科醫生遠程協助。
而SmileDirectClub係唔需要喺去本地註冊牙醫度覆診，對於啲大忙人嚟講，就可以慳返唔少時間！而矯正牙齒後嘅固定器都比其他品牌划算，只係$700。
$14,500（可分期付款，總計 $17,600）
相關網址：smiledirectclub 官網
SmileDirectClub HK facebook
SmileLove
又係一個嚟自美國嘅牙箍品牌，平均療程時間為6－7個月左右。
最大嘅賣點係同貴價嘅隱適美一樣，有美國FDA認證，有一定嘅信心保證！而且療程完結送固定器，唔洗自己加價購買，價錢相對透明。而且客戶仲有專享洗牙同埋拎口罩優惠（畢竟宜家口罩有錢都買唔到）。
