今日突然同我講,佢好掛住去BBQ燒嘢食呀!不過,嚟到夏天A姐確實,熱!到!不!行!了!但你話如果可以嘆住冷氣,有人燒埋俾你食,咁我又唔驅呀!怕熱但又想食BBQ,其實一啲都唔矛盾。今日M佬就帶我嚟到觀塘嘅歡喜燒,食自動串燒放題,嘆住冷氣享受燒烤嘅味道,好滿足呀!

〈好食〉無盡的選擇 觀塘串燒屋

串燒
選擇勁多,包括美國穀飼牛肋條、美國穀飼牛西冷、厚切牛舌、蜜汁叉燒豬柳、泰式豬頸肉、農場鷄腿肉、原味鷄中翼、麻辣鷄翼、奧爾良辣鷄翼、爽口鷄腎、麻辣鷄腎、海蝦、北海道熟帆立貝、挪威鯖魚、黃金魚片頭、臺灣一口腸、鷄肉腸、迷你豆卜、紅腸、芝士腸、魚蛋、芝士獅子狗卷、龍蝦丸、日式蟹柳、牛筋丸、花枝丸、貢丸、午餐肉等。

〈好食〉無盡的選擇 觀塘串燒屋

咁多選擇,梗係要揀啲最好味嘅推介俾大家,等大家唔會嘥咗個胃啦!美國穀飼牛西冷嘅牛肉味濃,夠juicy;厚切牛舌夠厚身,食落非常有口感;蜜汁叉燒豬柳個叉燒汁濃郁微甜,好入味;泰式豬頸肉夠爽口,微辣又帶有香茅味;海蝦大大隻,新鮮彈牙。枱上面仲放左燒肉汁、秘製串燒醬、辣椒粉、孜然粉同椒鹽等調味料,令燒烤味道層次大大提升。

〈好食〉無盡的選擇 觀塘串燒屋
〈好食〉無盡的選擇 觀塘串燒屋

網燒類
除咗串燒,仲可以網燒。選擇有蒜蓉烤蠔、蒜蓉烤青口、蒜蓉烤茄子、原條日本秋刀魚、一口牛、安格斯牛肩肉片、日本漢堡扒、西班牙黑毛豬五花腩片、美國特級牛仔骨等。

〈好食〉無盡的選擇 觀塘串燒屋
〈好食〉無盡的選擇 觀塘串燒屋
〈好食〉無盡的選擇 觀塘串燒屋
〈好食〉無盡的選擇 觀塘串燒屋

特別推介蒜蓉烤蠔,蠔身飽滿,加上蒜蓉慢慢烤,令蠔身索晒蒜蓉味,非常香口;另外食網燒又點少得茄子呢?茄子細隻但肥身,茄子肉豐實,上面放上蒜蓉等調味料,食嘅時候非常惹味;當然仲要食埋簡單而不平凡嘅牛油粟米同蒜蓉烤金菇啦!

〈好食〉無盡的選擇 觀塘串燒屋