「喪Z行」香港首度舉辦 全城最瘋狂嘅萬聖節街頭定向慈善賽
有無諗過一路玩可以一路做善事？「Zombie Walk喪Z行」一直致力推動護眼訊息，今年佢地首度來港，聯同Fashion Walk合辦「Halloween Styloween Zombie Walk 2018」，為國際防盲救盲組織「奧比斯」籌款，俾香港人加入至型「喪Z」行列！
由10月1日起「Halloween Styloween Zombie Walk 2018」會為大家準備咗無數狂歡節目，包括「奪目‧驚心魔幻佈置」、「潮魔亂舞奪目巡遊」、「闇黑迷宮」、「Halloween Styloween潮玩變裝派對」、「潮幻魅影化妝比賽」、「Styloween型遊萬聖節工作坊」同埋「Beer & Wine Walk」等，打造潮人不能錯過的最具話題性萬聖節派對！
「喪Z行」中嘅「喪Z」需要接受街頭挑戰，大會今年會以全新嘅街頭定向冒險為主，除咗喺指定時間內搜索位於Fashion Walk加寧街、百德新街、京士頓街等嘅checkpoints，挑戰盲人體驗遊戲，仲要逃離恐怖怪異嘅「闇黑迷宮」，感受失去光明所帶來嘅恐懼！每位參加嘅「喪Z」都可獲得限量版選手包，完成挑戰更可得到獎牌留念。活動籌得嘅善款將捐俾國際防盲救盲組織香港奧比斯。如果無高超化妝技巧嘅話都唔緊要，大會將提供現場化妝服務，幫你打造切合大會主題嘅嘩鬼造型！
「Halloween Styloween Zombie Walk 2018」
活動日期： 10月26日
有關參加方法及細節要留意九月底嘅消息發怖
「奪目‧驚心魔幻佈置」
10月初起，達6米高嘅「奪目魔獸」盤踞於Fashion Walk中庭上空，伸出如八爪魚般細長嘅觸鬚對一眾低頭族虎視眈眈，配合百德新街、食街同京士頓街嘅詭異佈置，搞到你膽顫心驚！
「闇黑迷宮」
10月初起京士頓街9號會出現神秘嘅「闇黑迷宮」，俾你體驗失去視力嘅恐懼，更可為「奧比斯」籌款。
「潮幻魅影化妝比賽」
若您自問特技化妝技術高超，自信能打造出別具個人風格的魅力「喪Z」化妝造型，請密切留意Fashion Walk Facebook專頁，於指定日子把完成作品上載至社交平台並爭取「讚好」從而進入10月26日決賽，由業界及專業評審選出優勝者，贏取豐富禮品。
「Halloween Styloween潮玩變裝派對」
每年載譽嘅Halloween Styloween巡遊派對將與「喪Z行」同晚舉行，等「喪Z行」挑戰者及一眾潮人盡情享用萬聖節街頭美點同玩意。
「潮魔亂舞奪目巡遊」
吞噬人類眼球嘅「奪目魔獸」將率領佢嘅黑暗夥伴，佔領Fashion Walk街頭上演聲勢浩大嘅舞蹈巡遊，戰士同魔獸之爭究竟誰勝誰負？
「Halloween Styloween型遊萬聖節工作坊」
想向美妝達人學習至潮派對化妝造型設計技巧，以最具魅力特色打扮示人？Fashion Walk聯乘LOG-ON ToGather同一眾商戶為您準備各樣萬聖節打扮嘅工作坊幫您成為節日焦點。
「Beer & Wine Walk」及萬聖節美饌推介
由10月1日起，於Fashion Walk消費有機會獲贈「Beer & Wine Walk」通行證及戲院優惠券，俾你喺10月25日至31日享受無數美酒優惠。多間特色餐廳亦會推出萬聖節主題美食。
#喪Z行
#Fashion Walk
#Zombie Walk
#街頭定向
# Halloween
# Styloween
#奧比斯
