自從日本開關，港人們都陸陸續續「返家鄉」！最近有網民於Facebook有關日本旅行的群組以「香港人又醜到日本啦！」為題，發文指在大阪木津市場食海鮮丼時，排前面的港人們在舖內高談闊論，當對方食完離開後，有位日本客人同員工講：「彼らはうるさいです（他們很吵）」，樓主當時只微微點頭再靜靜地食嘢，「廢事比佢哋知道我同佢哋一樣係香港人⋯」！
網民反指樓主「當正自己日本人呀」
雖然帖文已被刪除，但卻早已被轉載至網上討論區，並引起網民熱議，有人認為「香港人一向好撚嘈，幾個阿姐嘈到成個超市都聽到」、「有日本節目提及過日本人其實唔係咁鍾意香港人」；亦有人力撐那班港人「連大眾食堂都唔嘈得？」，更反插樓主表示「篇文仲X過嘈個班香港人，當正自己日本人呀」、「純粹話俾你聽佢識聽果句日文」、「識聽兩句日文就覺得自己比香港人高級，人地仲要唔係同你講點乜嘢頭」，不過去旅行最緊要入鄉隨俗，大家記得適時執生啦！
