近排公司好忙,所以A姐投訴好耐無二人世界喇!趁手頭上嘅Project終於完成,即刻要實行餵飽A姐嘅Project B,要氹佢當然有一連串計劃,第一站就帶佢去到深水埗一間價錢比較親民嘅Project B,嚟一個反高潮啦!其實Project B環境十分都幾清幽又有情調,都幾適合情侶拍拖㗎!

忌廉松露蘑菇湯
作為前菜嘅忌廉湯入口好滑,每啖都帶有松露同蘑菇香味,非常creamy。

〈好食〉食飽飽B計劃 深水埗Project B

香草忌廉紐西蘭青口
青口十分肥大肉厚,加上洋蔥同忌廉作調味,將青口嘅鮮甜味大大提升。身為海鮮控嘅我真係可以輕輕鬆鬆清曬一盤啦!

〈好食〉食飽飽B計劃 深水埗Project B

馬沙拉美國肉眼扒
肉眼我地嗌咗medium rare,牛扒嘅生熟度啱啱好,肉質軟腍,肉味濃郁,值得推介!另外,相信好多人食扒都淨係留意塊扒煎得靚唔靚,其實配菜都好重要,因為配菜嘅存在可以減少油膩感亦可增加飽肚感。馬沙拉美國肉眼扒嘅配菜就有羽衣甘藍同粗薯條。羽衣甘藍用咗少少鹽花作調味,食落十分爽口;配上脆卜卜嘅粗薯條,簡直食唔停口。

〈好食〉食飽飽B計劃 深水埗Project B

煙三文魚黑松露忌廉意大利飯
作為飯桶嘅A姐,梗係唔少得要嗌個飯食下。呢個意大利飯軟硬適中,配上香濃忌廉同煙三文魚,好creamy,A姐表示十分滿意。

〈好食〉食飽飽B計劃 深水埗Project B