Donki進駐香港令一眾香港人可以一解思鄉嘅心情。近日,喺荃灣海之戀更開設Donki全球第一間嘅壽司店,呢間鮮選壽司自開幕以嚟一直都大排長龍,絕對係近期人氣大熱之選!但亦有一班食客表示食完之後非常失望,所以我同M佬就嚟到鮮選壽司,睇吓係唔係真係咁令人失望啦!

今日係平日午餐時段,排隊時間大概為一個鐘。喺等候嘅時候,我同M佬都有一個問題,乜平時Donki賣嘅外賣壽司係主打高質咩?點解啲人嚟到鮮選壽司會覺得失望呢?所以我哋對於鮮選壽司其實無太大期望,以平常心嚟同大家報導一吓。

【親身試食】以Donki之名 荃灣鮮選壽司

首先,聽過身邊嘅朋友話,呢間鮮選壽司出貨好慢,甚至會漏單,但可能我哋係午市時段,呢個情況並無發生係我哋身上。

【親身試食】以Donki之名 荃灣鮮選壽司

我哋兩個人叫咗八碟壽司。

【親身試食】以Donki之名 荃灣鮮選壽司

日本產帆立貝壽司
真心推介呢度嘅帆立貝壽司,大大粒,非常鮮甜,所以我哋食完之後,再encore咗一碟。

【親身試食】以Donki之名 荃灣鮮選壽司

藍鰭吞拿魚壽司三點
三點分別係赤身、中拖羅同大拖羅,非常抵食,特別係有大拖羅,魚身油份豐富,非常驚喜。

厚切大拖羅
呢款大拖羅因為係厚切,食嘅時候油份喺口中迴盪,真係唔捨得吞落肚呀!

厚切三文魚壽司
三文魚都算新鮮,不過不失。

蝦三點壽司
平時食蝦,最鍾意係有膠口嘅感覺,但嚟到鮮選壽司,呢三款蝦都未有呢種感覺。