香港人食自助餐,最鍾意一定係生蠔、魚生刺身同海鮮冷盤,今日嚟到位於北角歷山酒店嘅Cafe A,呢度除咗以上嘅選擇之外,我哋更推介絕不馬虎嘅中菜美食,其中勁花心思嘅松子魚就一定感受到廚師嘅功架!話晒能夠喺星級酒店歎高質中菜同魚生海鮮,呢餐自助餐話咁易就回本啦!

〈好食〉超易回本北角歷山酒店自助餐 主打海鮮中菜宮廷氣派自助餐

生蠔
生蠔即叫即開, 夠晒新鮮,size雖然唔係大大隻,但細細隻反而仲鮮甜,蠔身夠晒飽滿,海水味濃,好creamy!

〈好食〉超易回本北角歷山酒店自助餐 主打海鮮中菜宮廷氣派自助餐

魚生刺身
刺身選擇有成六款:三文魚、油甘魚、吞拿魚、甜蝦、帶子同赤貝。我哋encore必食推介就係大大粒又厚身嘅帆立貝,我哋特登叫師傅唔好切開邊,一整粒放落口,夠晒幸福感!另外,赤貝非常鮮甜,夠爽口彈牙,加上平時自助餐一向少見,所以我哋食咗好多呀!

〈好食〉超易回本北角歷山酒店自助餐 主打海鮮中菜宮廷氣派自助餐

海鮮冷盤
海鮮冷盤方面,有海螺、凍熟蝦、紐西蘭熟青口同蟹腳。特別鍾意勁多肉又鮮甜嘅長腳蟹,仲帶有淡淡嘅海水味,非常新鮮吸引。

〈好食〉超易回本北角歷山酒店自助餐 主打海鮮中菜宮廷氣派自助餐

中式冷盤
冷盤除咗沙律之外,歷山酒店Cafe A嘅冷盤夠驚喜,同平時常見到日式冷盤唔同,呢度大玩川菜風味。冷盤有麻辣豬耳、涼拌雲耳、酸薑皮蛋等等,全部都非常開胃醒胃!但最吸引我哋嘅係蒜泥白肉,蒜香味濃郁。其他選擇仲有煙挪威三文魚、涼拌木耳青瓜沙律、薯仔沙律配芥末醬、巴馬火腿伴蜜瓜、雜錦壽司及加州卷。

〈好食〉超易回本北角歷山酒店自助餐 主打海鮮中菜宮廷氣派自助餐

特級肉眼扒、香草烤羊鞍
肉類方面都有兩款選擇,可惜我哋兩個都唔食羊,但鍾意食羊嘅朋友一定好開心喇!肉眼薄切,烤到五成熟,肉汁夠晒juicy,牛味香濃。

〈好食〉超易回本北角歷山酒店自助餐 主打海鮮中菜宮廷氣派自助餐

冬菇炆花膠
每人限定一碟,冬菇同花膠都厚身夠入味。花膠勁厚,又夠膠口,相信骨膠原夠豐富,我就決定唔切開,成舊放入口,呢種就係幸福嘅味道。

〈好食〉超易回本北角歷山酒店自助餐 主打海鮮中菜宮廷氣派自助餐

熱盤
平時食自助餐,熱盤絕對會被遺忘,但歷山酒店Cafe A嘅自助餐熱盤就絕對唔可以錯過喇!呢度嘅熱盤不定期更新,但代表作松子脆海鮮就係呢度嘅鎮店之寶,推出咗一段時間,仍然大受歡迎。松子魚非常考功夫,廚師嘅功力少啲都唔得。原條松子魚炸到非常生動,非常香口,魚肉嫩滑,加上酸甜醬汁,非常開胃!

〈好食〉超易回本北角歷山酒店自助餐 主打海鮮中菜宮廷氣派自助餐

另外,encore推介仲有金銀蒜蒸扇貝,蒜蓉味香濃,蒜貝大大粒入晒味,每次一出就瞬間沽清,好彩不斷推出,可以無間任食呀!

〈好食〉超易回本北角歷山酒店自助餐 主打海鮮中菜宮廷氣派自助餐

其他推介仲有脆皮蛋黃蝦、玫瑰豉油雞、荔蓉炸帶子、海鮑片扒小棠菜、碧綠炒蝦仁、碧綠花枝片、薑蔥生蠔,款式非常多,夠晒豐富。

食到咁上下,仲有鵝肝推出,可惜我哋已經好飽喇!後尾先知道,原來自助餐食到10點,餐廳喺用餐時段會keep住更新款式,勁有誠意,所以大家記住留肚,計劃好食自助餐嘅策略呀!

〈好食〉超易回本北角歷山酒店自助餐 主打海鮮中菜宮廷氣派自助餐

除咗中式熱盤,今日仲有唔少西式、泰式等多國菜式熱盤選擇,包括:素春卷、照燒多春魚、紅酒燴牛尾、秘製豬肋骨、蜂蜜焗薯配芝士、煙火腿意粉、香煎左口魚配龍蝦汁、香煎三文魚配紅花汁、泰式豬頸肉。

〈好食〉超易回本北角歷山酒店自助餐 主打海鮮中菜宮廷氣派自助餐

甜品
今日嘅中式甜品有紫米露,除此之外仲有多款甜品、蛋糕、水果。

首先,水果有西瓜、蜜瓜、火龍果、橙。至於甜品方面,有紫薯忌廉蛋糕、士多啤梨慕絲杯、泡芙、曲奇芝士蛋糕、黑森林蛋糕、藍莓芝士餅同芒果拿破崙,蛋糕由酒店嘅餅店師傅每日新鮮製作,有信心保證,非常好味!另外仲有香芒布甸、啫喱杯同即叫即做嘅班戟同窩夫。至於雪糕就係Häagen-Dazs,味道有成六款,分別係芒果、藍梅、曲奇、比利時朱古力、雲呢拿同士多啤梨。好彩甜品係第二個胃,又可以啟動喇!