香港係一個石屎森林，人多車多，所以好多人放假都鍾意一家大細去郊區漫活一下。今日M佬就帶我嚟到錦田，原來呢度有一條壁畫村，將鄉郊同藝術融合一齊，係大家一個週末打卡拍拖嘅好去處。
前往方法
1. 喺錦上路港鐵站落車
2. 我哋就選擇自駕遊，車可以泊喺錦上路港鐵站外收費停車場
提提你
作為旅客嘅我哋記住要保持寧靜，唔好影響當地人嘅生活呀！
壁畫村背後故事
由北宋時期，鄧氏家族開始喺錦田定居，直至今日仍然有唔少後人喺呢度生活同居住。圍村一直畀人一個古老嘅感覺，所以郭燕銘老師希望為錦田社區注入更多活力，就諗到以「愛」為主題嘅壁畫，讓藝術融入當地嘅生活。
錦田壁畫村
喺一班義工同學生嘅努力下，由2017年10月動工至今已完成46幅作品，未來仲會有更多壁畫呈現大家眼前。
