雖然現今好多女性都係獨立自主，但「一個女人自己去旅行？」始終都仲係一個好多人會問、會質疑同擔心嘅一件事。而好多女生都唔太敢自己一個出走，其中一個原因當然係擔心自身安全，但另一個好大嘅因素係要自己一個。一來好多人（唔係淨係女生）都唔識享受獨處，二來係怕其他人嘅目光。「一個人食飯咁慘…」「一個人去打卡好sad呀冇人陪你咩？」呢啲都係令一眾平時堅強獨立嘅女生唔敢自己去旅行嘅原因。 

 

雖然大家唔多唔少都會擔心人哋嘅睇法，但係突破自己心理關口，走出自己嘅comfort zone係長大同埋be a better me嘅必經階段。最近好多人都去唔到旅行，不如就用呢啲時間plan下一個獨自去偷歡嘅trip，重新認識自己！

女仔一個人出走嘅小貼士： 

  • 有條理嘅收納好緊要！自己去旅行嘅時候唔記得帶嘢都冇得問朋友借，有好多自己用開嘅又未必可以輕易買到，所以一定要帶齊嘢。用packing kit同收納包將要帶嘅嘢分門別類，咁樣檢查有冇漏嘢嘅時候都會客易啲！
  • 用travel wallet將所有旅行文件、收據、當地現金放埋一齊。咁樣就算有咩意外，我都冇咁傷… 同埋travel wallet通常都唔會好浮誇，買嘢同食飯拎出嚟都冇咁易成位被打劫嘅目標呀嘛！ 

  • 一定一定要用個輕身同好推嘅喼！自己一個去旅行冇人幫你手搬搬抬抬嘅時候，就算只係一克嘅重量都好大分別㗎！你都唔想個trip最大嘅得著係對酸痛嘅手臂㗎嘛。有埋靜音轆嘅話，沿途唔會咁嘈吸引路人嘅注意就仲好！
  • 一個容量大又耐用嘅喼係獨遊嘅好朋友，因為你永遠唔知會遇到咩突發事，所以最好帶多小小野傍身，加上你仲要預定啲位畀突發嘅手信同戰利品呢。當然如果個喼係入型入格嘅就最好啦！

閱讀全文