平時出街食海鮮，真係閒閒哋每人三百蚊走唔甩，尤其是近年好興嘅海鮮蒸鍋！不過，荃灣呢間水上人八鮮蒸鍋蒸氣火鍋店CP值極高！
只係$198 就食到8款唔同時令海鮮，包括花蟹、鮑魚、貴妃、元貝、帶子、蜆、貝類，仲有埋鮮蝦蒸飯～ 唔好以為咁平就一定無好嘢！海鮮極新鮮，入蒸籠前都仲郁下郁下！大家唔洗擔心唔識蒸或者蒸過龍，因為店員係會幫你拎去蒸，夠鐘仲會幫你熄埋爐，大家剩係需要坐定定等食！
剁椒花蟹
士多啤梨蟹籽醬元貝
翡翠汁鮑魚
自問自己好擦得嘅朋友，可以加多$48 食埋火鍋放題，超過40款料任你叫！
豬頸肉
呢個價仲要咁高質真係無咩鋪頭做到！
