住荔枝角或者喺荔枝角返工嘅有福喇，因為終於有戲院喇！
仲要係韓國嘅影院品牌 CGV Cinemas 第一次喺香港開嘅戲院，已經喺地鐵站附近嘅D2 Place 二期營業喇！
走入CGV Cinemas D2 Place ，已經覺得裝修好有懷舊得黎帶現代感嘅感覺，喺其他戲院絕對無見過。
電影院有 4 個主題影廳，各具特色。
K Star 韓星主題電影館「孔劉館」
CGV首次以韓國明星為主題命名其下嘅電影館。CGV 將影廳命名為「孔劉館」係想表揚孔劉喺提高韓國電影於全球嘅知名度同埋促進韓國電影業發展所作出嘅貢獻。館內設計加入不少與孔劉相關的素材，等觀眾可於館內各處發掘佢嘅「足跡」。聽講細心啲睇啲係低向上望哂全部灰色凳，會見到一個S 字，有Superstar 嘅意思，大家去到可以留意下。
CGV Cinemas 仲會捐出「孔劉館」部分票房收入，支持香港電影或培育新晉導演同演員等工作，為香港本土電影發展出一分力。
SweetBox
影廳嘅凳全部都成雙成對，將中間拉起就好似變咗張二人梳化咁，令情侶們可以溫馨甜蜜咁觀賞電影。
ScreenX
ScreenX係CGV自家研發、配備270度嘅投影技術，令電影擴展至影廳兩邊嘅牆壁實現三屏全景放映。
HSBC Film
影廳嘅凳全部都有伸縮嘅枱，望真啲有啲似大學嘅lecture hall，將來係可以租黎用。
CGV Cinemas D2 Place 電影票價：
2D 電影票: $90
3D 電影票: $110 元
ScreenX 電影票: $120
另設小童、長者、星期二優惠。
而家仲做緊超筍信用卡優惠，用滙豐信用卡喺票房即場買飛，只需$20！！！優惠期去到10月31日炸！
如果成日去嘅都可以申請做Club Trendy Red會員，計返都幾抵！
